Home | Impressum | Datenschutz | Kontakt | News | suchen | intern
Interessengemeinschaft
Formation Sugus
Webadresse
ig-formation-sugus.ch

Fiasko von der Donauvorstadt

Miar gsehnd üs irgendwenn wieder min Kämpfer...

Fiasko von der Donauvorstadt, 19.04.2004 bis 15.04.2018

Fascht 14 Johr han i di dörfa bi miar ha... niamerd hät i das denkt... du bisch würklich an Pechvogel gsi... häsch Unfall und Kranketa magisch azoga. Aber jedes Mol häsch kämpft wia an Leu und di wieder erholt. So oft hämer bereits Abschied gnoh vu diar... du häsch anders entschieda. Aber hüt isch da Tag endgültig do gsi.... und du häsch din letschta Weg atreta. In Frieda und in Würde- wia alles wo du i dim Leba gmacht häsch. 
Miar Zwei händs nid immer eifach cha, händ üs zerscht müassa finda. Aber kein Hund hät miar soviel fürs Leba glernt wia du! Danka für Alles min grossa Kämpfer! Du wirsch immer i üsem Herza si und irgendwia au immer a minera Sita! Danka Bubu für Alles! 
Chum guat über dRegabogabrugg und grüss dis Harem vu üs. Irgendwenn chunt da Tag und denn werdend mr üs wieder gseh! I vermiss di unendlich!

Mit diar verloht s‘letschta vierbeiniga Sugusgründigsmitglied d‘Welt... und nur schu drum wirsch nia vergessa goh!

No longer by my side but forever in my heart!!!